नयाँ भारतीय राजदूतले परराष्ट्रमन्त्री खड्कालाई भेटे
नेपाल प्रेस
२०७९ असार १७ गते १९:५१
काठमाडौं । नेपालका लागि नवनियुक्त भारतीय राजदूत नवीन श्रीवास्तवले परराष्ट्रमन्त्री डा. नारायण खड्कासँग शिष्टाचार भेट गरेका छन् ।
आज परराष्ट्र मन्त्रालय पुगेर उनले खड्कासहित परराष्ट्र सचिव भरत राज पौड्यालसँग भेटेका हुन् ।
भारतीय दूतावासका अनुसार भेटका अवसरमा द्विपक्षीय सम्बन्धका विविध आयामहरूबारे छलफल भएका थिए ।
दुई देशको सम्बन्धलाई सकारात्मक दिशा दिन उपलब्धिपूर्ण कुराकानी भएको दूतावासले जनाएको छ ।
प्रतिक्रिया