इन्दिराको ‘पछ्यौरी’ सार्वजनिक

काठमाडौं । गायिका इन्दिरा जोशीले ‘पछ्यौरी’ बोलको गीत सार्वजनिक गरेकी छन् । उक्त गीत काठमाडौंमा कार्यक्रम आयोजना गरी सार्वजनिक गरेकी हुन् । गीतमा इन्दिराकै शब्द तथा संगीत छ ।

उनले गीत रिलिज कार्यक्रममा दर्शकको माया पहिलेको जस्तै पाउने विश्वास व्यक्त गरिन् ।

गीतलाई इन्दिराले लोक र पप शैलीमा तयार पारेकी छिन् । गीतको भिडियोलाई प्रविण सिंहले कोरियोग्राफी तथा निर्देशन गरेका हुन् भने कोरियोग्राफी पनी उनकै छ ।

भिडिओमा हरि हुमागाँइको छायांकन, प्रविण श्रेष्ठको सम्पादन छ ।

गायिका जोशीले भिडिओ खिच्नका लागि केही गाह्रो भएपनि दर्शकको चाहना अनुसारको काम गरेको बताइन् । यस्तै, मोडल निराजन प्रधानले इन्दिरासँग पहिलो पटक काम गर्दा आफूलाई खुशी लागेको प्रतिक्रिया दिए ।

भिडिओमा इन्दिरा बोल्ड, ब्यूटिफूल र आकर्षक देखिएकी छिन् । नेपाली गायन क्षेत्रमा आफ्नो स्थान उच्च बनाएकी यी गायिकाले केही हप्ता अगाडि मात्र बिहे गरेकी थिइन् ।

हेर्नुस् भिडिओ :