नेताहरूको स्वार्थ र सनकको कोपभाजनमा संसद परेको झलनाथको टिप्पणी (भिडिओ) – Nepal Press
संसद दिवस

नेताहरूको स्वार्थ र सनकको कोपभाजनमा संसद परेको झलनाथको टिप्पणी (भिडिओ)

काठमाडौं । पूर्वप्रधानमन्त्री एवं नेकपा एकीकृत समाजवादीका सम्मानित नेता झलनाथ खनालले संसदलाई जनताको आवाज घन्काउने थलोको रूपमा व्याख्या गरेका छन् ।

६४औं संसद दिवसका अवसरमा पूर्वसांसद मञ्च र संघीय संसद सचिवालयले संयुक्तरूपमा आयोजना गरेको कार्यक्रममा बोल्दै उनले यसलाई सुरक्षित र सम्मानित रूपमा चलाउनुपर्ने बताए ।

‘संसद आम जनताका आवाज घन्काउने र राष्ट्रका आवाज घन्काउने थलो हो,’ उनले भने,‘यो थलोलाई बडो सुरक्षित र सम्मानित रूपमा चलाउनुपर्छ ।’

तर, नेपाली नेताहरूका आफ्नो स्वार्थ र सनकका कोपभाजनमा संसद पर्ने गरेको उनको टिप्पणी थियो । ‘हाम्रा नेताहरूलाई बेला-बेला सनक चल्दा संसद भंग गरिदिनुहुन्छ,’ उनले भने । नेताहरूका व्यक्तिगत आकांक्षा पूरा हुन नसक्दा गैरसंसदीय प्रवृत्ति विकसित गर्ने र दलीयतामाथि निस्तेज गर्ने प्रवृत्ति देखिने गरेको उनले बताए ।

विश्वभर संसदको विकास भइरहेको भन्दै पूर्वप्रधानमन्त्री खनालले भने, ‘आज हाम्रो देशको संसद दिवस मात्र होइन । २०१८ देखि संयुक्त राष्ट्रसंघले पनि विश्वको संसद दिवस मनाउँदै आएको छ । आज विश्वभरि नै संसदको विकास भइरहेको छ ।’

यसो बुझिरहँदा ब्रिटेनबाट विकास भएको संसदकै रूपमा मात्रै विश्वभरका संसदलाई बुझ्न नहुने पनि नेता खनालले बताए । उनले भने, ‘हिजो ब्रिटेनबाट संसदको विकास भयो । त्यही रूपमा सबै ठाउँमा भयो भन्ने बुझनुहुन्न । संसदको अनेकन रूप हुन्छन् ।’

प्रतिक्रिया

Leave a Reply

Your email address will not be published.

सम्बन्धित खवर