मन्त्री फेर्ने नेकपा एसको निर्णयमा माओवादी नेता शर्माले गरे आलोचना (भिडिओ) – Nepal Press

मन्त्री फेर्ने नेकपा एसको निर्णयमा माओवादी नेता शर्माले गरे आलोचना (भिडिओ)

माओवादीमा मन्त्री फिर्ता बोलाउने कुनै सोच छैन

काठमाडौं । नेकपा माओवादी केन्द्रका नेता दिनानाथ शर्माले मन्त्रीहरू हेरफेरप्रति आलोचना गरे । मन्त्रीहरूलाई राम्रोसँग काम गर्नको लागि समय दिनुपर्ने भन्दै छिटोछिटो हेरफेर गरेको विषयमा जनता पनि त्यति खुसी नभएको उनको भनाइ छ ।

रिपोर्टस क्लबमा आज आयोजित एक कार्यक्रममा शर्माले आफ्नो पार्टीले तत्काल मन्त्रीहरू फिर्ता बोलाउनेबारे कुनै छलफल र सोच नबनाएको पनि प्रष्ट्याए ।

उनले भने,‘हामीले मन्त्रीहरू फिर्ता बोलाउनेबारे सोचेका छैनौं । हामीले नयाँ टिम पठाउनेबारे छलफल नै गरेको छैन् । केन्द्रीय कमिटीको बैठक यही असार १९ गते बस्दैछ । त्यो बेला कुरा आए छुट्टै कुरा हो । तर, हाम्रो नेतृत्वले यसबारेमा सोचेको छैन ।’

‘एकीकृत समाजवादीले मन्त्री फिर्ता बोलाउने र नयाँ पठाउने निर्णय गर्‍यो, त्यसो नगरेको नभए हुन्थ्यो । फेरबदल गर्नुलाई जनताले राम्रो मानेका छैनन् ’, उनले भने ।

नेता शर्माले पालो पुर्‍याएर तीन/तीन महिना र छ महिना सरकारमा सहभागी हुने पद्धतिलाई प्रोत्साहन गर्न नहुने धारणा राखे । ‘३ महिना, ५ महिनामा ७ महिनामा मन्त्रीले के परिणाम दिन्छ ? एक/दुई महिना बुझ्नै लाग्छ, तीन महिना कार्ययोजना बनाउन समय लाग्छ । मन्त्रीलाई काम गर्ने अवसर पर्याप्त रूपमा दिनुपर्छ ’, उनको भनाइ थियो ।

गठबन्धन प्रदेश र संघको निर्वाचनसम्मै जाने नेता शर्माको भनाइ छ । ‘आगामी निर्वाचनसम्म गठबन्धन तलमाथि हुँदैन । ७५३ स्थानीय तहमा त गठबन्धन गर्‍यौँ । परिणाम सन्तोषजनक आएको मूल्यांकन गरेका छौँ । कमजोरी सच्याउँछौँ । सुझबुझपूर्ण तवरले यो विषयलाई नयाँ र वैज्ञानिक ढंगले हल गरेर नै गठबन्धन अघि बढ्छ ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर