गर्भवती भइन् आलिया, सामाजिक सञ्जालमा बधाईको ओइरो – Nepal Press

गर्भवती भइन् आलिया, सामाजिक सञ्जालमा बधाईको ओइरो

काठमाडौं । बलिउड सुपरस्टार आलिया भट्ट गर्भवती भएकी छन् । गत अप्रिल २४ मा रणवीर कपूरसँग विवाह बन्धनमा बाँधिएकी आलियाले सामाजिक सञ्जाल इन्स्टाग्राममा एक पोस्ट सेयर गर्दै आफू गर्भवती भएको जानकारी गराएकी हुन् ।

‘हाम्रो सन्तानको छिट्टै आगमन हुँदैछ’, उनले लेखेकी छिन् ।

अस्पतालको बेडमा सुतेर सोनोग्राफी गरिरहेको तस्वीर सेयर गरेकी आलियाले कम्प्युटर स्क्रिनलाई भने ब्लर गरेर ‘हार्ट’ को इमोजी बनाएकी छिन् ।

आलियाले आफ्नो प्रेगनेन्सीको खबर पोस्ट गरेसँगै उनका नजिकका इस्टमित्रदेखि शुभचिन्तकहरुले रणवीर र आलियालाई बधाई दिएका छन् । आलिया भट्टसँग अत्यन्तै नजिक रहेका तथा बलिउडमा आलियाका ‘गड फादर’ को रुपमा चिनिने करण जोहर, बलिउड अभिनेत्री कृति सेनोन, परिणिती चोपडा, रकुल प्रीत, डायना पेन्टी, प्रियंका चोपडालगायतले रणवीर र आलियालाई बधाई दिएका छन् ।

 

View this post on Instagram

 

A post shared by Alia Bhatt 🤍☀️ (@aliaabhatt)

प्रतिक्रिया

Leave a Reply

Your email address will not be published.