एमालेलाई पराजित नगरेसम्म हाम्रो विद्रोहको जित हुन्न, गठबन्धनबाटै हराउने हो : नेपाल – Nepal Press

एमालेलाई पराजित नगरेसम्म हाम्रो विद्रोहको जित हुन्न, गठबन्धनबाटै हराउने हो : नेपाल

काठमाडौं । नेकपा एकीकृत समाजवादीका अध्यक्ष माधवकुमार नेपालले आउँने संसदीय चुनावमा एमालेलाई सम्पूर्णरुपले पराजित नगरेसम्म आफूहरुले गरेको विद्रोह र संघर्षको जित नहुने बताएका छन् ।

पार्टीको केन्द्रीय कमिटी बैठकमा समापन भाषण गर्दै अध्यक्ष नेपालले नेकपा एसले एमालेसँग एकता र सहकार्य गर्ने भनेर कतिपयले प्रचार गरिरहेको भन्दै त्यो सम्भावना नरहेको प्रष्ट पारेका हुन् ।

नेपालले एमालेलाई पराजित नगरेसम्म संघर्षको जित नहुने प्रष्ट पारे । उनले स्थानीय तह निर्वाचनबाट पाठ सिकेर गठबन्धनलाई अझ मजबुत बनाउँनुपर्ने बताए । उनले गठबन्धनमात्र भनेर भर परेर नबस्न र आफ्नो शक्ति बढाउँन पनि नेताहरुलाई आग्रह गरे ।

नेपालले आउँने चुनावमा पनि गठबन्धन गर्ने भनेर प्रधानमन्त्री तथा कांग्रेस सभापति शेरबहादुर देउवाले भनिसकेको र गठबन्धनबाटै एमालेलाई परास्त गर्न सकिने प्रष्ट पारे ।

बैठकमा नेपालले भने– हामी गठबन्धनमा भएका पार्टीहरुसँग छुट्टाछुट्टै छलफल गर्ने छौ , र उहाँहरुको नजरमा हाम्रो भुमिका कस्तो छ थाहा हुन्छ , त्यसपछि हामी परिस्थिति हेरेर माग गर्ने छौ, आफ्नो कुरा राख्ने छौ, त्यस्तो हुँदा हामीले धोका खादैँनौ ।

नेपालले स्थानीय तह चुनावमा नेकपा एसले ९ लाख मत पाएको दाबी गर्दै आफूहरुसँग २० लाख भन्दा बढी मत रहेको बताए । अध्यक्ष नेपालले मन्त्रिपरिषद हेरफेरको निर्णय कार्यन्वयन गर्न प्रधामन्त्रीलाई पटकपटक भनिएको भन्दै कांग्रेस र माओवादीभित्रको अप्ठेरोका कारण पनि ढिला भएको बताए ।


प्रतिक्रिया

2 thoughts on “एमालेलाई पराजित नगरेसम्म हाम्रो विद्रोहको जित हुन्न, गठबन्धनबाटै हराउने हो : नेपाल

  1. मतिभ्रष्ट दलालका नाईके, काँग्रेसका तलुवा चाटनेहरूले एमाले हराउने सपना नदेखे हुन्छ । आफ्नै पतन नजिकै आईसक्याे । यस्ता मान्छेलाई पनि नेता मान्नेहरू छन् भन्दा मलाई अचम्म लाग्छ ।

  2. स्थानिय तह निर्वाचनमा वहांको दलले पाएको भनिएको ९ लाख भोट चैं पालिकामा वहांका दलबाट मेयर उपमेयर देखि वडा अध्यक्ष तथा वडा सदस्य सबैले पाएको मत जोडेर पो रहेछ । कत्ति काइते , कत्ति रकमी कुरा । त्यसो हो भने त कांग्रेस एमाले माओवादीको भोट करोडौं करोड पो आएको देखिन्छ नि हगि ।

Leave a Reply

Your email address will not be published. Required fields are marked *

सम्बन्धित खवर