भक्तपुरमा मोटरसाइकल र टिपर ठाेक्किँदा दुईजनाको मृत्यु
नेपाल प्रेस
२०७९ असार ९ गते ८:२८
भक्तपुर । भक्तपुरको सुर्यविनायक नगरपालिका ८ आर्दशचोक नजिकै गएराति मोटरसाइकल र ट्रिपर आपसमा ठाेक्किँदा दुई जनाको मृत्यु भएको छ ।
मृत्यु हुनेमा मोटरसाइलमा सवार दुई जना पुरुष व्यक्ति रहेका छन् । अन्दाजी २० वर्षका जस्ता देखिने दुवै घाइतेको उपचारको क्रममा भक्तपुर अस्पतालमा आज बिहान ३ बजे मृत्यु भएको हो ।
मृतक दुवैको सनाखत हुन बाँकी रहेको छ । सुर्यविनायकबाट जगाती तर्फ जाँदै गरेको बा ८९ प ७८७६ नम्बरको मोटरसाइकल र विपरीत दिशाबाट आउँदै गरेको बा ४ ख ५२९८ नम्बरको ट्रिपर गएराति सवा २ बजे आपसमा ठोकिएका हुन् । ट्रिपर चालकलाई प्रहरी वृत्त जगातीले नियन्त्रणमा लिएको छ ।
प्रतिक्रिया
सम्बन्धित खवर