घोडाघोडीबाट घाइते चितुवाको उद्धार
नेपाल प्रेस
२०७९ जेठ २३ गते १८:४५
कैलाली । कैलालीको घोडाघोडीमा घाइते चितुवाको उद्धार गरिएको छ । चितुवाको शरीरमा २ गोली लागेको डिभिजन वन कार्यालय पहलमानपुरका प्रमुख गोकुल प्रसाद रिजालले जानकारी दिए ।
उपचारका लागि बर्दिया लगिएको प्रमुख रिजालले बताए । चितुवालाई सिकारीले गोली हानेको हुन सक्ने अनुमान गरिएको उनले बताए ।
सो चितुवाको आक्रमणबाट एक जना महिला घाइते समेत भएकी छन् । सोमबार बिहान लठुवा सामुदायिक वनमा घाँस काट्ने क्रममा वडा नम्बर-८ लठुवाकी ५४ बर्सिया बिस्णा बोहरा चितुवाले आक्रमणमा परि घाइते भएको इलाका प्रहरी कार्यालय सुखडका प्रमुख लक्ष्मण शाहीले जानकारी दिए ।
बोहराको मुख, हात र टाउकोमा चोट लागेको छ । बोहराको अहिले घोडाघोडी अस्पतालमा उपचार भइरहेको छ ।
नेपाल प्रेस
प्रकाशित: २०७९ जेठ २३ गते १८:४५
प्रतिक्रिया
सम्बन्धित खवर
