फोहर नउठेको भन्दै काठमाडौं महानगरको टेकुमा स्थानीयको विरोध र धर्ना (तस्बिरहरुसहित)
नेपाल प्रेस
२०७९ जेठ २० गते ११:५२
काठमाडौं । काठमाडौंको टेकु संकलन केन्द्रबाट महानगरपालिकाले फोहोर नउठाएपछि स्थानीय बासिन्दाले विरोध गरेका छन् । उनीहरुले शुक्रबार बिहान ४ बजेदेखि अवरोध विरोधस्वरुप धर्ना दिएका छन् । जसले गर्दा टेकुबाट फोहर बोक्ने गाडीको आवतजावतमा बाधा पुगेको छ ।
अहिले महानगरपालिकाभर फोहर थुप्रिएको छ । सिसडोल ल्यान्डफिल साइटमा स्थानीय फोहर फाल्न नदिएपछि महानगर क्षेत्रका सडक तथा चोक बस्तीबाट फोहर उठाउन सकिएको छैन ।
त्यस्तै टेकु संकलन केन्द्रमा फोहरमाथि फोहर थुप्रिएपछि स्थानीयले विरोध गरेका हुन् ।
मेयर बालेन्द्र शाह र उपमेयर सुनिता डंगाेल भने फाेहर व्यवस्थापनबारे स्थानीयसँग छलफल गर्न शुक्रबार बिहानै नुवाकाेटकाे बञ्चरेडाँडा पुगेका छन् ।
तस्बिर: उमेश कार्की
नेपाल प्रेस
प्रकाशित: २०७९ जेठ २० गते ११:५२
प्रतिक्रिया
सम्बन्धित खवर
