जिल्लाभर एक वडा सदस्य जित्दा पनि नेकपा एस मख्ख, भन्यो- जनताको अपार माया पायौं – Nepal Press

जिल्लाभर एक वडा सदस्य जित्दा पनि नेकपा एस मख्ख, भन्यो- जनताको अपार माया पायौं

रुपन्देही । १० पालिका र ९६ वडा रहेको कपिलवस्तुमा नेकपा एसले एक वडा सदस्य मात्रै जितेपनि निर्वाचनको नतिजा पार्टीका लागि सन्तोषजनक भएको निष्कर्ष निकालेको छ ।

पार्टीको जिल्ला सचिवालय बैठकले चुनावको समीक्षा गर्दै स्थानीय चुनावमा आफ्नो पक्षमा परिणाम निकाल्ने गरी नतिजा नआए पनि गठबन्धन दल र आफ्नो पार्टीलाई जनताको अपार माया प्राप्त भएको निष्कर्ष निकालेको हो ।

पार्टी गठनको ८ महिनामै चुनावमा होमिनुपर्ने बाध्यता, जिल्लामा सुदृढ भइनसकेको संगठनात्मक संरचना, गठबन्धनका नाममा अल्झिनुपरेको अवस्थाबीच पनि अधिकांश पालिकामा उम्मेदवार उठाउनु र कतिपय स्थानमा राम्रो मत ल्याउनुलाई एकीकृत समाजवादी कपिलवस्तुले सन्तोषजनक मानेको हो ।

जिल्लाभर कलम चुनाव चिह्नको प्रचारलाई समाजवादीले प्रगतिको एक कदम मानेको छ ।

‘जनताको बीचमा कलम स्थापित हुन सक्नु नै हाम्रा लागि सुखद पक्ष हो’, नेकपा एसका जिल्ला अध्यक्ष लंकबहादुर हमालले भने, ‘यद्यपि कतिपय स्थानमा जित्ने आकंलन गरेपनि विभिन्न परिस्थितिका कारण पराजय ब्यहोर्न पुग्यौं । यस विषयमा निर्मम ढंगले समीक्षा गरेका छौं ।’

जिल्लाभर अधिकांश स्थानमा नेकपा एसका उम्मेदार रहेपनि कृष्णनगर नगरपालिका वडा नम्बर १० को वडा सदस्यमा मुतर्जा मुसलमानले वडा सदस्य जितेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर