कबड्डी ४ को क्लिप टिकटक र फेसबुकमा छ्यापछ्याप्ती, हलभित्र भिडिओ खिच्न नदिन संघको आग्रह – Nepal Press

कबड्डी ४ को क्लिप टिकटक र फेसबुकमा छ्यापछ्याप्ती, हलभित्र भिडिओ खिच्न नदिन संघको आग्रह

काठमाडौं । शुक्रबारबाट प्रर्दशनमा आएको कबड्डी ४ फिल्मको क्लिप टिकटक, फेसबुक,युट्युबमा छ्यापछ्याप्ती भेटिएपछि निर्माण पक्ष यतिबेला तनावमा छन् ।

चत्रचित्र हेर्न गएका दर्शकले सिनेमा हलभित्र मोवाइल लगेर फिल्मको क्लिप खिचेर सामाजिक सञ्जालमा हाल्न थालेपछि निर्माणपक्षलाई तनाव भएको हो ।

चलचित्र प्रदर्शन भइरहेको अवस्थामा क्यामरा र मोबाइलबाट चलचित्रका केही दृश्यहरु कैद गरी यूट्युब, फेसबुकबाट सार्वजनिक भएको गुनासो निर्माता पक्षले  नेपाल चलचित्र संघलाई ध्यानाकर्षण गराएको छ ।

सरोकारवालाहरुको स्वीकृति नलिई चलचित्र प्रतिलिपि अधिकार ऐन विपरीत कार्य गरेमा कानूनी कारबाही हुने भएकोले चलचित्र घरमा कसैलाई पनि प्रदर्शन भइरहेको चलचित्रका दृश्यहरु कैद गर्न नदिन चलचित्र संघले प्रदर्शक सदस्यलाई आग्रह गरेको छ ।

चलचित्र घरहरुले क्यामरारमोबाइलबाट चलचित्रका दृश्यहरु कैद गर्ने कार्यलाई कडाइका साथ रोक्न समेत आग्रह गरेको छ ।

निर्देशक निश्चल बस्नेतले पनि टिकटकमा क्लिप बनाउँदै हाल्यो भने अरु हेर्न पर्खिरहेका दर्शकको मजा खराब गर्नु भएको बताएका छन् । उनले यसरी क्लिप हल्दा कबड्डीका निर्मातालाई घाटा तिर धकेल्नु भएको समेत बताएका छन् । साथै हल सञ्चालकले पनि ध्यान दिन आग्रह गरेका छन् ।

उनले फेसबुकमा लेखेका छन्,‘अनुरोध…
चलचित्रलाइ माया गर्नु भनेको मनपरेको चलचित्र हेर्न टिकट काटेर हलसम्म पुगेर मस्त मजा लिनु हो।
टिकटकमा क्लिप बनाउँदै हाल्नुभयो भने अरु हेर्न पर्खिरहेका दर्शकको मजा खराब गर्नु हो र कबड्डीका निर्मातालाई घाटा तिर धकेल्नु हो । यति त बुझिदिनुपर्यो दर्शकहरुले । कसैले खिचेकोो देखे त्यसो नगर्न भनिपनि दिन हुन अनुरोध ।
हल संचालकहरले पनि याद गर्नु पर्यो हजुर ।।। सुरुमा लेखेको DISCLAIMER ले मात्र पुगेन ।’

आसुरी फिल्मस र सुषमा प्रोडक्सनले संयुक्त रुपमा निर्माण गरिएको नेपाली चलचित्र कबड्डी-४ (कलाकारहरु दयाहाङ राई, सौगात मल्ल आदि) जेष्ठ १३ शुक्रबारदेखि नेपालभर प्रदर्शन भइरहेको छ ।

प्रतिक्रिया

Leave a Reply

Your email address will not be published.

सम्बन्धित खवर