नेकपा एसका केन्द्रीय सदस्यले दिए पदबाट राजीनामा
नेपाल प्रेस
२०७९ जेठ १० गते २०:५५
दाङ । नेकपा एसका केन्द्रीय सदस्य एवम् दाङ इन्चार्ज जोगबहादुर रानाले पदबाट राजीनामा दिएका छन् ।
गठबन्धनको तर्फबाट तुलसीपुर उपमहानगरपालिकाको उपमेयरमा उम्मेदवार बनेका रानाले पराजित हुने निश्चित भएपछि राजीनामाको घोषणा गरेका हुन् ।
उनले आज बेलुकी सामाजिक सञ्जाल मार्फत चुनावमा आफूले अपेक्षित भूमिका निर्वाह गर्न नसकेकाले राजीनामा दिएको उल्लेख गरेका छन् ।
उनले मुलुकको भविष्य नेकपा एसमै भएको र आगामी दिनमा नेकपा एसलाई ठुलो पार्टी बनाउन भूमिका खेल्ने समेत उल्लेख गरेका छन् ।
रानाले एमालेका उपमेयरका उम्मेदवार स्यानी चौधरीसँग साढे ८ हजार बढी मतले पराजित हुने निश्चित भइसकेको छ ।
नेपाल प्रेस
प्रकाशित: २०७९ जेठ १० गते २०:५५
प्रतिक्रिया
सम्बन्धित खवर
