तुलसीपुरमा निरन्तर एमालेको अग्रता

रुपन्देही । दाङमा मतगणना भइरहेको तुलसीपुर उपमहानगरपालिकामा नेकपा एमालेले निरन्तर अग्रता लिएको छ ।

एमाले महासचिव शंकर पोखरेलको गृहपालिका रहेको यहाँ ४७ हजार ७ सय ४४ मत गणना हुँदा नेकपा एमालेका मेयर पदका उम्मेदवार टीकाराम खड्का १८१३ मतान्तरले अग्रता लिएका हुन् ।

खड्काले २० हजार ३१९ मत प्राप्त गरेका छन्। उनका निकटतम् प्रतिष्पर्धी गठबन्धनबाट नेपाली कांग्रेसका उम्मेदवार गेहेन्द्र गिरीले १८ हजार ५०६ मत प्राप्त गरेका छन् ।

तर उपमेयरमा एमालेकी श्यानी चौधरीले धेरै मतान्तरले अग्रता लिएकी छन् । चौधरीले १९ हजार ७ सय ८० मत प्राप्त गरेकी छन्। चौधरी निकटतम प्रतिष्पर्धीभन्दा ६०४५ मतले अगाडि छन् ।

उपमेयरमा गठबन्धनबाट नेकपा एकीकृत समाजवादीका जोगबहादुर रानामगरले १३ हजार ७३५ मत प्राप्त गरेका छन्।