पर्साको ठोरीमा २३ वर्षीय युवकको ढुंगाले हानेर हत्या
नेपाल प्रेस
२०७९ जेठ ८ गते १९:०५
काठमाडौं । पर्साको ठोरीस्थित बाघमोर्चा मन्दिर नजिकै अनुहार भरी चोट लागेर अचेत अवस्थामा भेटिएका २३ वर्षीय युवकको दुई दिनपछि आइतबार उपचारका क्रममा मृत्यु भएको छ ।
ठोरी गाउँपालिका-५ ठुलो बाघमोर्चा घर भएका प्रवीण पाख्रिनको उपचारका क्रममा वीरगन्जस्थित एलएस न्युरो अस्पतालमा मृत्यु भएको हो ।
अज्ञात समूहले शुक्रवार साँझ ढुंगाले अनुहार र टाउकोमा प्रहार गरेर भागेको थियो ।
बेहोस अवस्थामा भेटिएका युवकलाई तत्कालै उपचारका लागि अस्पताल पुर्याइएको थियो ।
प्रहरीले घटनामा संलग्न रहेको आरोपमा एक किशोरलाई पक्राउ गरेको छ, भने अन्य तीन जना फरार रहेको जनाएको छ ।
नेपाल प्रेस
प्रकाशित: २०७९ जेठ ८ गते १९:०५
प्रतिक्रिया
सम्बन्धित खवर
