स्थानीय तह निर्वाचनमा १३ दलको अस्तित्व, कसले कति जिते ? – Nepal Press

स्थानीय तह निर्वाचनमा १३ दलको अस्तित्व, कसले कति जिते ?

काठमाडौं । यसपटकको स्थानीय तह निर्वाचनमा जितका आधारमा १३ वटा दलहरू अस्तित्वमा देखिएका छन् । निर्वाचन प्रयोजनका लागि दर्ता भएका ७९ दलमध्ये १३ दलले स्थानीय तहको नेतृत्व (अध्यक्ष/मेयर) जितेर अस्तित्व कायम गरेका छन् ।

यसरी जित्ने दलहरूमध्ये नेपाली कांग्रेसले ३१३ स्थानीय तह जित्दै पहिलो दल बनेको छ । दोस्रोमा नेकपा एमालेले १९३ तह जितेको छ भने, नेकपा माओवादी केन्द्रले १२० तह जित्दै तेस्रो भएको छ ।

यस्तै जनता समाजवादी पार्टीले २८ तह, नेकपा एकीकृत समाजवादीले १७ तह, लोकतान्त्रिक समाजवादी पार्टीले १२ तह, राप्रपाले ४ तह, राष्ट्रिय जनमोर्चाले ४ तह, नागरिक उन्मुक्ति पार्टीले ४ तह र जनमत पार्टीले २ तह जितेका छन् ।

यस्तै नेपाल मजदुर किसान पार्टी, विवेकशील नेपाली दल र जनप्रगतिशील पार्टीले १/१ तह जितेका छन् । यस्तै ११ तहमा स्वतन्त्र उम्मेदवार जितेका छन् ।

उपमेयर/उपाध्यक्ष पदमा कांग्रेस २९१, एमाले २१९, माओवादी केन्द्र १२५, जसपा २९, नेकपा एस २१, लोसपा ९, राप्रपा ४, नागरिक उन्मुक्ति पार्टी ३ र राष्ट्रिय जनमोर्चा २ तहमा जितेका छन् ।

यस्तै नेमकिपा, जनप्रगतिशील, विवेकशील साझा, जनमत पार्टीले १÷१ तह जितेका छन्, भने ५ तहमा स्वतन्त्र उम्मेदवार जितेका छन् ।

प्रतिक्रिया

Leave a Reply

Your email address will not be published.

सम्बन्धित खवर