काठमाडौं-७ मा २५ वर्षपछि कांग्रेस विजयी
काठमाडौं । काठमाडौं महानगरपालिकाको वडा नम्बर ७ मा २५ वर्षपछि नेपाली कांग्रेस विजयी भएको छ । कांग्रेसका तर्फबाट वडाध्यक्षका उम्मेदवार विमलकुमार होडा विजयी भएका छन् । यहाँ दलित महिला सदस्य भने एमालेले जितेको छ ।
होडाले २ हजार ८६७ मत प्राप्त गर्दै विजयी हुँदा उनका निकटतम प्रतिद्वन्द्वी नेकपा एमालेका कृष्णमणि भट्टराईले ४४ मत कम २ हजार ८१९ मत प्राप्त गरेका छन् ।
यो वडामा चावहिल मित्रपार्क क्षेत्र पर्दछ । यहाँ २०५४ देखि एमालेले लगातार आफ्नो विरासत कायम गर्दै आएको थियो ।
यहाँ मेयरमा भने स्वतन्त्र उम्मेदवार बालेन्द्र शाहले नै सबैभन्दा बढी ३ हजार ८४६ मत प्राप्त गरेका छन् । दोस्रोमा कांग्रेस उम्मेदवार सिर्जना सिंहले १ हजार ५८० मत प्राप्त गर्दा तेस्रोमा एमाले उम्मेदवार केशव स्थापितले १ हजार ४७२ मत प्राप्त गरेका छन् ।