बेरोजगारीका पीडा बोकेको ‘रहरले परदेशी कोही हुन्न’ गीत सार्वजनिक

काठमाडौं । अभाव, आवश्यकता र बाध्यताले देश छोडेर विदेशिन विवश लाखौँ नेपाली युवाको साझा अनि सत्य कथा गीतको रूपमा सार्वजनिक भएको छ ।

गुरिल्ला रक क्रियसनको पहिलो प्रस्तुतिस्वरूप साईराम पिक्चर्स युट्युब च्यानलमार्फत ‘रहरले परदेशी कोही हुन्न’ सार्वजनिक भएको हो । गीतले शैक्षिक बेरोजगार अनि स्वदेशमा व्याप्त बेरोजगारी समस्याले उत्पन्न गरेको परिस्थितिलाई उजागर गरेको छ ।

आफ्नै देशमा कामको अवसर भए कसैलाई विदेशिने रहर नहुने गीतका शब्दहरूमा उल्लेख छन् । गीतमा गणेश खड्काको शब्द, राजनराज शिवाकोटीको सङ्गीत, स्वरूपराज आचार्य र रचना रिमालको स्वर तथा नरेन्द्र वियोगीको सङ्गीत संयोजन छ ।

सेसेल्स र नेपालमा छायांकन गरिएको गीतको भिडिओ सुरेश पाण्डेले निर्देशन र पंकज श्रेष्ठले सह-निर्देशन गरेका छन् ।