रतुवामाईको मेयरमा ७४ वर्षीय नागेश्वर निर्वाचित
नेपाल प्रेस
२०७९ जेठ ६ गते ९:२२
विराटनगर। प्रदेश १ रतुवामाई नगरपालिकाको मेयरमा कांग्रेसकाका ७४ वर्षीय नागेश्वर प्रसाद सिंह गनगाई विजयी भएका छन् । उनले १३ हजार १ सय ३५ मत प्राप्त गरेका छन् ।
उनका निकटतम प्रतिद्धन्दी नेकपा एमालेका दुर्गा कुमार विष्टले ११ हजार २ सय ५२ मत ल्याएका छन् ।
यस्तै उपमेयरमा एमालेकी दयान्ता देवी चुडाल विजयी भएका छिन् । उनले ९ हजार ३ सय ७४ मत प्राप्त गरेर निर्वाचित भएकी हुन् ।
माओवादीका सुमन कालिकोटेले भने ८ हजार ४ सय ७९ मत ल्याएका छन् । यस नगरपालिकामा माओवादीका र कांग्रेसबीच गठबन्धन भएको थियो । चुडाल निवर्तमान उपमेयर हुन । नागेश्वर पूर्व शिक्षक समेत हुन् ।
२०७४ सालको स्थानीय निर्वाचनमा प्रमुखमा कांग्रेसका रविन राईले बाजी मार्दा उपप्रमुखमा एमालेकी चुँडाल विजयी भएकी थिइन् ।
गत चुनावमा रविन राई ९ हजार ९५ मतसहित निर्वाचित भएका थिए । एमालेका टेकेन्द्रबहादुर पोमुले ८ हजार १ सय मत ल्याएका थिए ।
कम्युनिस्ट पार्टीको उद्गम थलोमा कांग्रेसका नागेश्वरले जित निकालेका छन् भने एमलेका उम्मेदवारले हार बेहोरेका छन् । २०३५ सालमा नेकपा मालेको पहिलो महाधिवेशन साविकको इटहरा गाविस हाल रतुवामाई नगरपालिकामा भएको थियो । रतुवामाई नगरपालिकामै नेकपा एमालेका संस्थापक नेता स्वः मदन भण्डारीको घर छ ।
नेपाल प्रेस
प्रकाशित: २०७९ जेठ ६ गते ९:२२
प्रतिक्रिया
सम्बन्धित खवर
