पर्साका वशिष्ट कुमार बने सबैभन्दा कान्छो गाउँपालिका अध्यक्ष

काठमाडौं । पर्साको कालिकामाई गाउँपालिका अध्यक्षमा २१ वर्षीय युवा विजयी भएका छन् । जनता समाजवादी पार्टीबाट वशिष्ट कुमार ३७१९ मत ल्याएर विजयी भई देशकै कान्छाे गाउँपालिका अध्यक्ष बन्न सफल भएका हुन् ।

हालसम्मको मत परिणामअनुसार वशिष्ट देशकै सबैभन्दा कान्छो गाउँपालिका अध्यक्ष भएका छन् । उनका प्रतिस्पर्धी नेपाली कांग्रेसका अजय कुमार ३६०५ मत ल्याएर दोस्रो भएका छन् ।

उक्त गाउँपालिकाकाे उपाध्यक्षमा कांग्रेसकी राजमती बैरेनी विजयी भएकी छन् । उनले ३९६१ मत ल्याउँदा उनका प्रतिस्पर्धी जसपाकी सहानी खातुनले ३८३४ मत ल्याएका छन् ।

गाउँपालिकाका पाँचवटा वडामध्ये १ र ४ मा कांग्रेस, ३ र ५ मा जसपा तथा २ वडामा एमालेले जीत हासिल गरेका छन् ।