एमालेबाट फुत्कियो बन्गाड कुपिण्डे, माओवादीका कर्णबहादुर प्रमुख निर्वािचत

सुर्खेत । सल्यानको वनगाड कुपिण्डे नगरपालिकामा गठबन्धनबाट नेकपा माओवादीका कर्णबहादुर बुढाथाेकी प्रमुख निर्वाचित भएका छन् ।

एमालेकाे पकड रहेकाे बनगाड कुपिण्डे नगरपालिकाको मेयरमा माओवादी केन्द्रका बुढाथोकी ७४६६ मत ल्याएर विजयी भएका छन् । उनका निकटतम प्रतिद्वन्द्वी नेकपा एमालेका गोविन्दकुमार पुनले ४७२० मात्रै मत ल्याए । प्रमुखमा पराजित पुन निवर्तमान प्रमुखसमेत हुन् । उनी नेकपा एमाले सल्यानका जिल्ला अध्यक्ष पनि हुन् ।

यस्तै उपमेयरमा नेपाली कांग्रेसका पुरुषोत्तम आचार्यले ५७३५ ल्याएर विजयी भएका छन् । आचार्यले स्वतन्त्र उम्मेदवार दीपेन्द्र विष्टलाई पराजित गरेका हुन् । दीपेन्द्रले ४१८० मत ल्याएको निर्वाचन अधिकृत लक्ष्मीदेवी शर्माले बताइन् ।