नेपालले युगान्डालाई दियो १०२ रनको लक्ष्य
नेपाल प्रेस
२०७९ जेठ ३ गते १४:४७
काठमाडौं । नेपालले महिला टी–२० अन्तर्राष्ट्रिय शृङखलाको दोस्रो खेलमा युगानडालाई १०२ रनको लक्ष्य दिएको छ ।
त्रिवि क्रिकेट मैदानमा टस हारेर पहिला ब्याटिङमा उत्रिएको नेपालले निर्धारित २० ओभरमा ७ विकेट गुमाएर १०१ रनको योगफल तयार गरेको थियो ।
पहिलो खेल खराब ब्याटिङका कारण हारेको नेपालले आजपनि मजबुत स्कोर बनाउन सकेन् ।
नेपालका लागि ओपनिङमा आएकी बिन्दु रावलले २ चौकासहित सर्वाधिक २६ रनको योगदान गरिन् । चौथो नम्बरमा क्रिजमा आएकी सरिता मगर २२ रन बनाएर आउट भइन् ।
युगान्डाको वलिङमा जानेत बाबाजीले सबै भन्दा धेरै २ विकेट लिइन् । इभेलेन एनपियो, कोन्की अवेको, रिता मुसामालीले समान एक विकेट लिए ।
नेपाल प्रेस
प्रकाशित: २०७९ जेठ ३ गते १४:४७
प्रतिक्रिया
सम्बन्धित खवर
