दोलखाको मेलुङमा एमाले विजयी, हिरा थोकर बने गाउँपालिका अध्यक्ष

दोलखा । सत्ता गठबन्धनलाई फराकिलो मतान्तरले पराजित गर्दै दोलखाको मेलुङ गाउँपालिकामा एमालेले जित निकालेको छ ।

पालिका अध्यक्षमा एमालेका जिल्ला सचिव हिरा कुमार थोकर ५,०७५ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी (एकिकृत समाजवादी) उम्मेदवार रविन्द्रकुमार कार्कीलाई १,१७२ मतान्तरले पराजित गरेका हुन् ।

पराजित रविन्द्रकुमार कार्कीले ३,९०३ मत ल्याएका छन् । उपाध्यक्षमा पनि एमालेकै गायत्री आचार्य ४६१३ मतसहित विजयी भएकी छन् । निकटम प्रतिद्धन्दी गठबन्धनका कांग्रेस उम्मेदवार भक्तबहादुर तामाङ ३२४१ मतमा रोकिएका छन् ।