सिन्धुपाल्चोकको बाह्रविसेमा ‘वस्नेतको कमब्याक’, शेर्पा बाहिरिए – Nepal Press

सिन्धुपाल्चोकको बाह्रविसेमा ‘वस्नेतको कमब्याक’, शेर्पा बाहिरिए

सिन्धुपाल्चोक । २०७४ सालको स्थानीय निर्वाचनमा बाह्रविसे नगरपालिकामा नेकपा एमालेका उम्मेदवार निमफुञ्जो शेर्पासँग कांग्रेस उम्मेदवार बालकृष्ण बस्नेतले २११ मतअन्तरले पराजय भएका थिए । तर ५ वर्षअघि आफूले हारेकोभन्दा निकै बढी मतान्तरमा जित हात पार्न वस्नेत सफल भएका छन् ।

एमाले उम्मेदवार शेर्पालाई बस्नेतले २ हजार २ सय ९५ मतको फराकिलो अन्तरले हराएका हुन् ।

२०७४ सालको चुनावमा शेर्पाले ४ हजार ९२९ मत ल्याएका थिए भने बस्नेतले ४ हजार ७११ मत ल्याएका थिए । योपटक कांग्रेसका बस्नेतले ७ हजार ७२८ मत ल्याए भने शेर्पाले ५ हजार ४३३ मत ल्याए । त्यसैगरी उपमेयरमा नेपाली कांग्रेसकै मन्जु तामाङले ६ हजार ९७७ मत ल्याउँदा उनका प्रत्यासी एमालेकी शुशीला पाख्रिनले ५ हजार ९९० मात्रै मत ल्याइन् । उपमेयरमा अन्तर ९ सय ८७ को रहेको छ ।

पाँच वर्षपछि अवस्था फेरिएको छ, बाह्रविसेमा । नेकपा एमालेले बाह्रविसे नगरपालिकामा योपटक पुरानै मेयर, उपमेयरलाई निर्वाचनमा उम्मेदवार बनाएको थियो । मेयरमा शेर्पा र उपमेयरमा पाख्रिन । तर एमालेका दुवै उम्मेदवार पराजित भए र बाह्रविसे ५ वर्षपछि कांग्रेसको पोल्टामा गएको छ । नेपाली कांग्रेसका केन्द्रीय सदस्य एवम् पुर्व सञ्चारमन्त्री मोहनबहादुर बस्नेतको गृहनगरपालिका समेत रहेको बाह्रविसेमा योपटक कांग्रेसले ५ वडासहित मेयर र उपमेयरमा जित हासिल गरेको छ ।

२०७४ मा एमालेले मेयर, उपमेयरसहित चार वडाध्यक्ष जितेको थियो । तर योपटक एमाले जम्मा दुई वडाध्यक्षमा मात्रै खुम्चिएको छ । वस्नेत ५ वर्षअघि मेयरका उम्मेदवार थिए भने उपमेयर मञ्जु तामाङ भने नयाँ अनुहार हुन् ।
माओवादी केन्द्रबाट पनि २०७४ को निर्वाचनमा उम्मेदवार भएका बुद्धराज बस्नेत नै पुनः उम्मेदवार भएका थिए । बुद्धराजले अघिल्लोपटक ल्याएको मत ल्याइ अहिले निरन्तरता दिन सकेनन् । उनले २५७६ मत ल्याएका थिए तर योपटक जम्मा १२३१ मात्रै मत ल्याए ।

प्रतिक्रिया

Leave a Reply

Your email address will not be published.

सम्बन्धित खवर