एमालेले मतदाताको अभिमतको अवमूल्यन गर्यो : महामन्त्री थापा
नेपाल प्रेस
२०७९ जेठ १ गते २०:५४
काठमाडौं । नेपाली कांग्रेसका महामन्त्री गगन थापाले नेकपा एमालेले निर्वाचन प्रक्रियामाथि प्रश्न उठाएर मतदाताको अवमूल्यन गरेको बताएका छन् ।
एमालेले मतगणनाको प्रारम्भिक विवरण आउन थालेपनि निर्वाचन प्रक्रियामाथि नै प्रश्न उठाउनुले मतदाताको अपमान भएको धारणा थापाले सामाजिक सञ्जालमार्फत व्यक्त गरेका हुन् ।
‘अन्तिम परिणाम कुर्नेसमेत धैर्यता नराखी नेकपा एमालेले सिंगो निर्वाचन प्रक्रियामाथि अनेकन प्रश्न उठाउनु ३० गते मतदान गर्ने प्रत्येक मतदाताको अभिमतको अवमूल्यन हो’, थापाले भनेका छन् ।
एमाले महासचिव शंकर पोखरेलले आज विज्ञप्ति जारी गरेर निर्वाचनमा योजनावद्ध धाँधली भएको आरोप लगाएका थिए ।
नेपाल प्रेस
प्रकाशित: २०७९ जेठ १ गते २०:५४
प्रतिक्रिया
सम्बन्धित खवर
