गठबन्धन चुनाव जित्न मात्रै होइन भनेर प्रतिज्ञा गर्नुपर्छ : गुरुङ
भरतपुर । नेपाली कांग्रेसका केन्द्रीय सदस्य टेकप्रसाद गुरुङले स्थानीय चुनावमा मात्रै नभएर राष्ट्रिय चुनावमा पनि गठबन्धन कायम रहने प्रतिवद्धता गर्न शीर्ष नेताहरुसँग माग गरेका छन् ।
गठबन्धनले भरतपुरमा आयोजना गरेको चुनावी सभामा बोल्दै केन्द्रीय सदस्य गुरुङले चुनावको बेला गठबन्धन गर्ने तर जितेपछि भंग गर्ने काम नगर्न शीर्ष नेतासँग आग्रह गरेका हुन् ।
‘गठबन्धनका नेताहरुले प्रतिज्ञा गर्नुपर्यो । यो गठबन्धन निरन्तर रहन्छ भनेर । पद पाउनमात्रै गठबन्धन गरेको हो भने भोली जनताले भरोस गर्न छाड्नेछन्’, गुरुङले भने ।
उनले गठबन्धन राष्ट्रिय राजनीतिको आवश्यकता भएकोले गठबन्धनका उम्मेदवार जिताउन कांग्रेसका सबै तहका नेता कार्यकर्ताहरु सक्रिय हुनुपर्ने बताए ।