सुदूरपश्चिम प्रदेश सरकारका मुख्यमन्त्री भट्टलाई निर्वाचन आयोगको २४ घण्टे स्पष्टीकरण – Nepal Press

सुदूरपश्चिम प्रदेश सरकारका मुख्यमन्त्री भट्टलाई निर्वाचन आयोगको २४ घण्टे स्पष्टीकरण

काठमाडौं । निर्वाचन आयोगले सुदूरपश्चिम प्रदेश सरकारका मुख्यमन्त्री त्रिलोचन भट्टलाई २४ घण्टे स्पष्टीकरण सोधेको छ । निर्वाचन आचार संहिता विपरीत अभिव्यक्ति दिएको भन्दै आयोगले उनलाई २४ घण्टे स्पष्टीकरण सोधेको आयोगले एक विज्ञप्तीमार्फत जानकारी गराएको हो ।

मुख्यमन्त्री भट्टले कैलालीको कैलारी गाउँपालिकाका अग्निपीडितलाई तुरुन्तै घर बनाइदिने र अन्य सुविधासमेत दिने न्दै आश्वासन दिएको र उक्त आश्वासन निर्वाचनमा मत प्रभाव पार्ने गरी अभिव्यक्त भएकाले स्पष्टीकरण सोधिएको आयोगका सहायक प्रवक्तासमेत रहेका उपसचिव सुर्यप्रसाद अर्यालले जानकारी दिए ।

उनका अनुसार निर्वाचन पर्यवेक्षण समितिका अध्यक्ष प्रदीप पोखरेललाई पनि आयोगले २४ घण्टे स्पष्टीकरण सोधेको छ । निर्वाचन पर्यवेक्षण समितिका अध्यक्ष पोखरेलले टेलिभिजन अन्तर्वार्ताका क्रममा निर्वाचन आयोगप्रति अनास्था जगाउने अभिव्यक्ति दिएको र व्यक्ति विशेषलाई भोट मागेको पाइएकोले स्पष्टिकरण सोधिएको सहायक प्रवक्ता अर्यालले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर