कांग्रेस धोका खान तयार छ, तर दिँदैन : प्रधानमन्त्री देउवा – Nepal Press

कांग्रेस धोका खान तयार छ, तर दिँदैन : प्रधानमन्त्री देउवा

विराटनगर । प्रधानमन्त्री शेरबहादुर देउवाले पाँच दलीय गठबन्धनबिच चुनावी तालमेल गर्ने सहमतिलाई इमानदारीताका पालना गर्न काँग्रेस कार्यकर्तालाई आग्रह गरेका छन् ।

नेपाली काँग्रेस मोरङले आज विराटनगरमा आयोजना गरेका चुनावी सभालाई सम्बोधन गदै पार्टी अध्यक्ष समेत रहेको देउवाले गठबन्धन अहिलेको आवश्यकता भएकाले गठबन्धन भित्र कुनै पनि संशय पैदा हुने काम नगर्न कार्यकर्तालाई आग्रह गरे ।

देउवाले भने, ‘बरु काँग्रेस धोका खान तयार छ, तर धोका दिँदैन, हाम्रो कर्तव्य पनि होइन । काँग्रेसको टाउकोमा धोकेबाज भन्ने बिल्ला नलागोस् ।’

कांग्रेस एक्लै चुनाव लड्ने तागत नभएकाले सत्तापक्षमान रहेका दलहरूसँग स्थानीय तहको चुनावमा तालमेल गरे जान परेको उनले प्रष्टीकरण समेत दिए ।उनले पाँच दलीय गठबन्धन मार्फत चुनाव जित्ने सबै भन्दा ठुलो मौका भएकाले मौका गुमाउन नहुनेमा जोड समेत दिए ।

स्थानीय तहलाई बढी शक्तिशाली बनाउने तर्फ केन्द्र सरकारको पनि ध्यान गएको बताउँदै उनले जनतालाई आफ्नो अधिकार आफले प्रयोग गर्न सक्ने बनाउन तर्फ सबकैको ध्यान जान जरुरी रहेको बताए ।

‘केन्द्र सरकार स्थानीय तहलाई अधिकार सम्पन्न बनाउन उद्धत छ’ देउवाले भने, ‘दिएको अधिकारी प्रयोग गर्न सक्ने, पैसाको सही सदुपयोग गर्न सक्ने अवस्थामा जनतालाई पुर्‍याउन आवश्यक छ ।’

आफ्नो ठाउँको विकास आफैले गर्न सक्ने बनाउन तर्फ केन्द्र सरकार पनि लागि रहेका उनले बताए ।

देउवाले विराटनगर महानगरपालिकाका मेयरका उम्मेदवार नागेश कोइरालालाई प्रदेश सांसद समेतमा टिकट दिन नसकेर आफूले नागेशमाथि अन्याय गरेको बताए । तर अहिले मेयरको टिकट दिलाउने विषयसँगै नागेशमाथि त्यो आफूले गरेको अन्यायबाट पार पाएको बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर