राप्रपाबाट उम्मेदवारी दिने कांग्रेसका २ जना निवर्तमान वडाध्यक्षकाे सदस्यता खारेज
नेपाल प्रेस
२०७९ वैशाख १९ गते ११:१३
काठमाडौं । नेपाली कांग्रेसले पार्टीको आधिकारिक उम्मेदवारका विरुद्ध अर्को पार्टीबाट उठ्ने २ जनाको साधारण सदस्यता खारेज गरेको छ ।
नेपाली कांग्रेसको विधान, २०१७ (संशोधनसहित) को दफा ३४ (१) अनुसार कारबाही गरी उनीहरुको साधारण सदस्यतासमेत खारेज गरिएको हो ।
राप्रपाबाट वडा अध्यक्ष उम्मेदवार बनेका धरान १ का निवर्तमान वडा अध्यक्ष रोशन अधिकारी र राप्रपाबाटै वडा अध्यक्ष उम्मेदवार बनेका धरान १४ का निवर्तमान वडा अध्यक्ष कृष्ण भट्टराईलाई कारबाही गरिएकाे कांग्रेसका सुनसरी जिल्ला सचिव वीरेन्द्र साहले जानकारी दिए ।
उनीहरुले पार्टीको आदर्श, सिद्धान्त र नीति तथा पार्टीको विधान, नियमावलीविपरीत कार्य गरेको, पार्टीको आचारसंहिता उल्लङ्घन गरेको र पार्टी उम्मेदवारविरुद्ध उम्मेदवारी दिएका कारण अनुशासनको कारबाही गरिएको उनको भनाइ छ ।
नेपाल प्रेस
प्रकाशित: २०७९ वैशाख १९ गते ११:१३
प्रतिक्रिया
सम्बन्धित खवर
