‘राप्रपाको राजधानी’ बाट लिङ्देनले भने- राष्ट्रिय राजनीतिको सन्तुलन अब फेरिन्छ – Nepal Press

‘राप्रपाको राजधानी’ बाट लिङ्देनले भने- राष्ट्रिय राजनीतिको सन्तुलन अब फेरिन्छ

झापा । चुनावी अभियानका क्रममा गृहजिल्ला झापा पुगेका राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राप्रपा मूल राजनीतिक शक्तिको रूपमा उदाएको दाबी गरेका छन् । राप्रपाले जितेको कचनकवल घेराबारीमा आयोजित आमसभालाई सम्बोधन गर्दै लिङ्देनले राप्रपालाई नजरअन्दाज गरेर अब राष्ट्रिय राजनीतिक शक्ति सन्तुलन नहुने बताए ।

राप्रपाले अघिल्लो निर्वाचनमा कचनकवल गाउँपालिकामामा विजय हासिल गरेको थियो । लिङ्देन स्वयंले पनि कचनकवललाई राप्रपाको राजधानी बताउँदै आएका छन् । यसपटकको निर्वाचनमा पनि राप्रपाले सम्पूर्ण सिट जित्ने उनको दाबी छ ।

देशलाई भ्रष्टाचारमुक्त बनाउने काम सजिलो नभएको भन्दै अध्यक्ष लिङ्देनले यसमा सबैको सामूहिक सङ्कल्प, दृढ इच्छाशक्ति आवश्यक रहेको उल्लेख गरे ।

‘यो सजिलो काम होइन, समाज यति भ्रष्ट भइसक्यो कि यसलाई सानोतिनो सङ्कल्पले हटाउन सकिँदैन’, उनले भने, ‘तर भ्रष्टाचारलाई निर्मूल नपारेसम्म देश उँभो लाग्दैन ।’

स्थानीय निर्वाचनमा आफ्ना उम्मेदवारले नगरपालिका र गाउँपालिकामा चुनाव जिते कक्षा १२ सम्म निशुल्क शिक्षा प्रदान गर्ने र सबै बालबालिका र विद्यार्थीलाई शिक्षाको पहुँचमा जोड्ने उनको भनाइ छ ।

आमसभामा नेतृ रेखा थापाले पनि सम्बोधन गरिन् । कचनकवलका अध्यक्ष एवं हालका उमेदवार अञ्जार आलमले पाँच वर्षमा गरेको काम हेरेर पुन: विजय गराउन अनुरोध गरे ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर