धरानमा कांग्रेस छाडेर राप्रपाबाट उम्मेदवार बनेका अधिकारीको आरोप- टिकटमा ५ लाख मागे – Nepal Press

धरानमा कांग्रेस छाडेर राप्रपाबाट उम्मेदवार बनेका अधिकारीको आरोप- टिकटमा ५ लाख मागे

इटहरी । २०७४ को स्थानीय चुनावमा नेपाली कांग्रेसबापट धरान उपमहानगरपालिका-१ को वडाअध्यक्ष जितेका रोशन अधिकारी अहिले राप्रपाबाट उम्मेदवार बनेका छन् ।

उम्मेदवार बन्न ५ लाख मागेकाले आफू राप्रपा प्रवेश गरेको उनले बताए ।

अधिकारीले नेपाल प्रेससँग भने, ‘२५ दिन अगाडि मलाई पाँच लाख दिएमा मात्रै पुनः वडा अध्यक्ष टिकट निश्चित हुने भन्दै एक श्रेष्ठ थरका मान्छे आएर म र श्रीमतीसग कुरा गरे । मैले पैसा दिने कुरा अस्वीकार गर्दा टिकट दिएनन् ।’

अधिकारीलाई मात्रै आउट गरेर बाँकी सेटलाई कांग्रेसले टिकट दिएको थियो । वडा सदस्य विवेक प्रसाईंले पनि अधिकारीलाई नै साथ दिएका छन् । यस्तै धरान १४ का नेपाली कांग्रेसबाट निर्वाचित वडा अध्यक्ष कृष्णप्रसाद भट्टराईले समेत राप्रपाबाट वडाध्यक्षको टिकट लिएका छन् ।

आफूलाई आम नागरिकले रुचाए पनि पार्टीले दोहोराउन टिकट नदिएपछि अघिल्लो कार्यकालका बाकी काम पुरा गर्न उमेदवार बनेको भट्टराईले बताए । आफू अध्यक्ष हुँदा पञ्जिकरणदेखि नागरिकता सिफारिसको पैसा नलिएको देखि साप्ताहिक मोतिबिन्दुको शिविर राख्नेजस्ता धेरै जनमैत्री काम भएको भन्दै भट्टराईले त्यही निरन्तरताको लागि नागरिकले आफूलाई चाहेको बताए ।

‘जुन पार्टीबाट भएनि उमेदवार भएर आउनुस जिताउँछौं भनेपछि म राप्रपा उमेदवार बनेको हो’, भट्टराईले भने ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर