सहमतिविपरीत कर्णालीका सबै पालिकामा कांग्रेस र माओवादीका बागी उम्मेदवार

सुर्खेत । कर्णाली प्रदेशका ७९ ओटै पालिकामा सहमतिविपरीपत गठबन्धनका प्रमुख दलहरूले मनोनयन दर्ता गराएका छन् । नेपाली कांग्रेस र माओवादीले सबै स्थानीय तहमा उम्मेदवारी दिएपछि अहिले नेताहरू मिलाउनतर्फ लागेका छन् ।

हिजोमात्रै १५ वटा छाडेर ६४ वटा स्थानीय तहमा कांग्रेस र माओवादीलाई २५-२५ र नेकपा एसलाई १४ वटामा भागबन्डा गरिएको थियो ।

‘हामीले दिएको निर्देशन अनुसार भन्दा पनि हरेक पालिकामा साथीहरूले उम्मेदवारी दर्ता गर्नु भएको छ । सहमतिको आधारमा चुनाव लड्न र उम्मेदवारी फिर्ता लिन अनुरोध गरेका छौं । यसलाई मध्यनजर गरेर सहजतापूर्वक सबै साथीहरू अघि बढ्नुहुनेछ भन्नेमा ढुक्क छौं ।’

यता, नेकपा माओवादी केन्द्रका प्रदेश अध्यक्ष विमला केसीले पनि सबै पालिकामा उम्मेदवारी दिइएको बताइन् ।

‘अहिलेसमको विवरण अनुसार सबै पालिकामा साथीहरूले उम्मेदवारी दर्ता गर्नु भएको छ । ती साथीहरूले आफ्नो भागवण्डामा नपरेका पालिकामा उम्मेदवारी छोडनुहुन्छ ’, उनले भनिन् । गठबन्धनलाई थप कसिलो बनाएर लैजाने भन्दै उनले दाबीसमेत गरिन् ।

यता, प्रदेश निर्वाचन कार्यालयले भने कुन पालिकामा कसले उम्मेदवारी दर्ता गरे भन्ने पूर्ण विवरण आउँन बाँकी रहेको जनाएको छ ।