पीएसजीलाई १०औं पटक फ्रेन्च लिग वानको उपाधि
नेपाल प्रेस
२०७९ वैशाख ११ गते ९:०२
काठमाडौं । चार खेलअगावै पेरिस सेन्ट जर्मन(पीएसजी)ले लेन्ससँग १–१ गोलको बराबरी खेल्दै १०औं पटक फ्रेन्च लिग वानको उपाधि जितेको छ ।
पीएसजीको यो १०औं लिग उपाधि हो ।
शनिबार राति पार्क डेस प्रिन्सेसमा भएको खेलमा लियोनल मेस्सीले ६८औं मिनेटमा गोल गर्दै पीएसजीलाई अग्रता दिलाएका थिए ।
पहिलो हफ गोलरहित बराबरीमा सकिएको खेलमा लेन्स ५७औं मिनेटमा रातो कार्ड पाएपछि १० खेलाडीमा सीमित भएको थियो ।
लेन्सका कोरेन्टिन जिनले ८८औं मिनेटमा बराबरी गोल फर्काएका थिए ।
बराबरी भएको खेलमा उपाधिका लागि पीएसजीलाई एक अंक पर्याप्त रह्यो ।
पीएसजीले ३४ खेलबाट ७८ अंकसहित शीर्ष स्थानमा रहेको छ । दोस्रो स्थानको मार्सेको ६२ अंक छ ।
लेन्स ५४ अंकसहित तालिकाको सातौं स्थानमा छ ।
नेपाल प्रेस
प्रकाशित: २०७९ वैशाख ११ गते ९:०२
प्रतिक्रिया
सम्बन्धित खवर
