एआईजी सिफारिसमा असन्तुष्ट डीआईजीहरू अदालत जाने मुडमा – Nepal Press

एआईजी सिफारिसमा असन्तुष्ट डीआईजीहरू अदालत जाने मुडमा

काठमाडौं । नेपाल प्रहरीका अतिरिक्त महानिरीक्षक (एआईजीका) लागि भएको सिफारिसमा असन्तुष्ट नायब महानिरीक्षक (डीआईजी) हरूले अदालत जाने तयारी गरेका छन् ।

वरीयता मिचेर सिफारिस गरेको भन्दै आफूहरू दाबेदार भएको उनीहरूको निष्कर्ष छ। बढुवा समितिले थपिएका तीन एआईजी दरबन्दीमा चैत १ गते डीआईजीहरू वसन्त पन्त, धिरजप्रताप सिंह र रविन्द्रबहादुर धानुकको सिफारिस गरेको थियो ।

समितिको सिफारिसविरुद्ध एक साताभित्र उजुरी गर्न सकिने कानुनी व्यवस्था छ । कसैले उजुरी नगरे उनीहरू एआईजीमा बढुवा हुने छन् ।

वरीयतामा अगाडि रहेका डीआईजी घनश्याम अर्याल, प्रकाशजङ कार्की र ईश्वरबाबु कार्कीले सिफारिसविरुद्ध तीव्र असन्तुष्ट जनाइरहेका छन् । यी तीनैजना वर्तमान आईजिपी शैलेश थापाका ब्याचीहरू हुन् । उनीहरूले वैशाख १८ बाट अवकाश पाउँदैछन् ।

सिफारिसमा परेका पन्त पनि आईजीपी थापाका ब्याची हुन् । अन्य दुईजना सिंह र धानुक एआईजी भए उनीहरू दुवै भावी आईजीपीका लागि प्रतिस्पर्धी मानिनेछन् ।

सामाजिक सञ्जालमा सक्रिय देखिने ईश्वरबाबु कार्कीले सिफारिसविरुद्ध तीव्र असन्तुष्टि जनाउँदै अदालत जाने संकेत गरेका छन् ।

‘अन्तिम आशा त न्यायालयकै रह्यो । हेरौँ जाम कि नजाम’ भन्दै ट्वीटरमा भोटिङ पोल बनाएका कार्कीले जाम भन्ने पक्षमा ८४ प्रतिशतभन्दा बढी मत आएपछि आइतबार लेखेका छन्, ‘फाइनल्ली ! डेमोक्रेसीमा बहुमतको कदर त गर्नैपरो । ‘ओखली में सिर दिया तो मूसल का क्या डर ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर