उनले ३० वर्ष जंगलमा यसकारण बिताए…

सिंगापुर विश्वकै सुविधा सम्पन्न देश मानिन्छ । यहाँ चम्किला महल र आलिसान अर्पाटमेन्टहरुको कुनै अभाव छैन । तर, कसैलाई भने यसले महत्व नै राख्दैन । सिंगापुरका ओह गो सेङ ३० वर्षदेखि जंगलमा गुमनाम बसेका छन् ।

सेङ आफ्ना परिवारसँगै सुनगेइ तेनगाह गाउँ (क्याम्पोङ्ग)मा हुर्किएका थिए । तर, सन् १९८० को दशकमा अग्ला भवन बनाउन ती क्याम्पोङ्ग ढालिएका थिए । अधिकांशलाई सरकारले नयाँ घर दिएको थियो । तर, सेङ आफ्नो ठाँउ सुरक्षित गर्न असमर्थ भए ।

उनका भाइले सरकारी फ्ल्याट प्राप्त गरे र सेङलाई त्यही बस्न आग्रह गरे । परिवारलाई बोझ दिन नचाहेको भन्दै अन्ततः उनी त्यहाँबाट बाहिरिए । आफ्नो पुरानो घर ठडिएको स्थान नजिकको जंगलमा गए । काठ र बाँसले अस्थायी आश्रय बनाएर बस्न थाले ।

उनका आश्रयमा खाना पकाउने खुला आगोको खरानी ढोकासम्म देखिन्छ । उनका सामानका थुप्रा छन् । पालको पछाडिउनी सुत्छन् । पाल नजिकैको बगैंचामा उनी खाना पकाउँथे । रुखहरुको बीचमा लुगाहरु झुन्ड्याइएका छन् र करेसाबारीलाई चोरबाट जोगाउन बार लगाइएको छ ।

एक्लोपन कहिल्यै समस्या नभएको उनी बताउँछन् । उनी आफ्नो बगैंचाको हेरचाहमा व्यस्त हुन्थे । जंगलमा बस्नुको सबैभन्दा खराब पक्ष मुसा भएको उनी बताउँछन् । उनको आश्रयभित्र पसरे मुसाले लुगामा प्वाल पारिदिन्थे । पाउँदा केही आकस्मिक काम पनि गर्थे ।

सेङ जंगलमा बसेको समाचार सिंगापुरमा भाइरल नै भएको थियो । उनले दुःख धेरै सामना गर्नुपरेको थियो ।

सेङले लाइसेन्स बिना व्यापार गरिरहेको खुलासा भएपछि केही अधिकारीहरुले रोकेका थिए । कोरोना महामारीका कारण बजारमा फूल बिक्री गर्ने काम गुमाएपछि उनी आफैले उत्पादन गरेको खुर्सानी र हरियो साग सब्जी बेचेका थिए । उनले तरकारी बेच्ने क्रममा ० दशमवलब ५५ युरोमा ग्राहकसँग विवाद भएपछि ग्राहकले रिपोर्ट गरेको थियो ।

त्यसैबेला, एक परोपकारी सस्थाका कार्यकर्ता भिभियन प्यान बाटो हिँड्दै थिइन । उनले तरकारी जफत गर्ने अधिकारीहरूले सेङसँग कुरा गरिरहेको देखिन ।

सेङको समर्थनमा प्यानले प्रहरीसँग भनिन्, ‘त्यो दिन उनी रित्तो हात घर फर्किएको म देख्न चाहन्नथे । कानुनको सन्दर्भमा उनीहरुले सडकमा बिक्री गर्न पाउँदैनन् । ’ सो घटनाको भिडियो खिचेर उनले फेसबुकमा पोस्ट गरिन्, र केही समयमा नै उनको चर्चा हुन थाल्यो ।

सेङकाे दुर्दशाले अन्ततः एक स्थानीय संसदको ध्यान तान्यो । सांसद सांसद लियाङ सेङ हवाले सेङको कथामा धेरै कुरा लुकेको पत्ता लगाए ।