चुनाव घोषणा र मुल्यवृद्धि फिर्ता माग्दै सिंहदरबारमा युवा संघको कालो बेलुन प्रदर्शन (तस्बिर/भिडिओ) – Nepal Press

चुनाव घोषणा र मुल्यवृद्धि फिर्ता माग्दै सिंहदरबारमा युवा संघको कालो बेलुन प्रदर्शन (तस्बिर/भिडिओ)

काठमाडौं । प्रमुख प्रतिपक्षी नेकपा एमाले निकट युवा संघले आइतबार स्थानीय तहको निर्वाचनको मिती घोषणा र पेट्रोलियम पदार्थको मुल्य वृद्धि फिर्ता गर्न माग गर्दै प्रदर्शन गरेका छन्।

विरोधस्वरुप उनिहरु कालो बेलुन बोकेर सडकमा उत्रिएका छन्। नेपाल आयल निगमले पेट्रोलियम पदार्थको मुल्य लगातार बढाइरहेको सन्दर्भमा चौतर्फी विरोध भइरहेको छ। पछिल्लोपटक पेट्रोलको मुल्य गत साता प्रति लिटर ३ रुपैयाँ बढाइएको थियो।

सरकारले स्थानीय तहको निर्वाचन जेठमा गर्ने तयारी गरेपनि औपचारिक निर्णय गरिसकेको छैन। प्रदर्शनमा उत्रिएका केही युवा संघ कार्यकर्तालाई प्रहरीले पक्राउ पनि गरेको छ।

प्रदर्शनका क्रममा युवा संघ केन्द्रीय महाधिवेशन आयोजक कमिटी सदस्यहरु जयराम लामा,अजित लामा, गणेश थापालाई प्रहरीले पक्राउ गरेको अन्तरजिल्ला विशेष प्रदेश कमिटीका संयोजक जय गुरुङले बताए । सो कार्यक्रम विशेष प्रदेश कमिटीको समन्वयमा भएको थियो ।

तस्बिरहरु : उमेश कार्की

प्रतिक्रिया

Leave a Reply

Your email address will not be published. Required fields are marked *

सम्बन्धित खवर