‘ब्लाइन्ड डेट’ अबदेखि हिमालय टिभीमा : बैशाखदेखि प्रसारण हुने – Nepal Press

‘ब्लाइन्ड डेट’ अबदेखि हिमालय टिभीमा : बैशाखदेखि प्रसारण हुने

काठमाडौं । युट्युवमा हिट भएपछि ‘ब्लाइन्ड डेट’को सिजन २ टेलिभिजनमा प्रसारण हुने भएको छ । बैशाख पहिलो सातादेखि प्रसारण आरम्भ गर्ने गरि हिमालय टिभीले सोको प्रसारण अधिकार लिएको छ ।

टेलिभिजन र सोका निर्देशक रोशन दाहालबीच बुधबार सम्झौतापत्रमा हस्ताक्षर भएको छ । सम्झौतापछि संचारकर्मीसँग कुरा गर्दै निर्देशक दाहालले कार्यक्रम हिट भएपछि धेरै टिभीबाट अफर आएको र आफूहरुले हिमालय टिभी छनौट गरेको बताए ।

प्रसारण सुरु हुनु एकसाता पहिलेभन्दा सोको छायांकन गरिने भएको छ । अहिले अडिसन सुरु भएको छ । पाँच पुरुष र पाँच महिला प्रतिस्पर्धीको लागि अडिसन थालिएको निर्देशक दाहालले जनाए ।

सिलु पोखरेल र किरण खाती गोल्डी पहिलो सिजनबाट विजेता भएर बिहे समेत गरेका थिए । ब्लाइन्ड डेटको अघिल्लो सिजनले सामाजिक संजालमा निकै चर्चा बटुलेको थियो ।

हिमालय टिभीमा अहिले द भ्वाइस अफ नेपाल, द भ्वाइस किड्स, डान्सिङ विथ द स्टार्स नेपाल, इन्द्रेणी, सक्किगो नि कार्यक्रम प्रसारण भैरहेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर