१३ वर्षपछि राजेश र निरुताको टीमअप : ३५ लाखमा तयार भयो म्युजिक भिडिओ – Nepal Press

१३ वर्षपछि राजेश र निरुताको टीमअप : ३५ लाखमा तयार भयो म्युजिक भिडिओ

काठमाडौं । फिल्म ‘फर्कि आऊ’मा सहकार्य गरेको १३ वर्षपछि राजेश हमाल र निरुता सिंहले अर्को एक नयाँ प्रोजेक्टमा टीमअप गरेका छन् ।

सुटिङ सम्पन्न भएको एक नयाँ म्युजिक भिडिओमा राजेश र निरुतालाई जोडीको रुपमा देख्न पाइनेछ । मंगलबार राजधानीको याक एन्ड यति होटलमा म्युजिक भिडिओ छायांकन भएको छ ।

३५ लाख लागतमा निर्माण भएको भनिएको उक्त म्युजिक भिडिओमा राजेशलाई राणकालिन दरबारका शासकको रुपमा देख्न सकिन्छ । निरुता हमालकै अपोजिटमा कास्ट भएकी छिन् ।

‘१३ वर्षपछि सँगै राजेशजीसँग काम गर्दा पुराना यादहरु ताजा भयो र रमाइलो पनि भयो’ नेपाल प्रेससँग निरुताले भनिन्, ‘दरबारकी एक महिला पात्रको रुपमा मैले यसमा भूमिका निर्वाह गरेकी छु । वास्तवमै दर्शकले हाम्रो रोललाई रुचाइदिनुहुनेछ ।’ निरुताका अनुसार उक्त म्युजिक भिडिओ आगामी साता लन्च हुने तयारी छ ।

याक एन्ड यतिमा तीन दिन र दुई रात लगाएर खिचिएको उक्त भिडियोको निर्देशन जेवी वाग्रीले गरेका हुन् । २० वर्षिय गायक कृष्ण विकद्वारा स्वरबद्ध गीतमा उक्त भिडिओ निर्माण भएको हो ।

निरुता र राजेश दुबैले सामाजिक सञ्जालमार्फत भिडिओको तस्बिर सार्वजनिक गर्दै खुशि जनाएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर