एनएसएलः दोस्रो संस्करण चौत १६ देखी, दुई सहरमा खेल हुने

काठमाडौं । नेपालको पहिलो फुटबल फ्रेन्चाइज लिग नेपाल सुपरलिग(एनएसएल)को दोस्रो संस्करण चैत १६ देखि पोखरा र काठमाडौंमा आयोजना हुने भएको छ ।

नेपाल स्पोर्ट म्यानेजमेन्टको आयोजनामा हुने लिग जेठ सात गते सकिनेछ । बुधबार आयोजकले विज्ञप्तिमार्फत दिएको जानकारी अनुसार यस सिजन नयाँ तीन टोली समावेश गर्दै प्रतियोगितामा गत सिजनका सातसहित १० टोलीको सहभागिता रहने भएको छ । नयाँ टोलीका लागि अक्सनमार्फत खेलाडी छनोट गरिने छ ।

पहिलो संस्करणमा कोरोनाभाइरस महामारिले देशमा लकडाउन भएको अवस्थामा एनएसएल बन्द रंगाशालामै भव्यताका साथ सम्पन्न भएको थियो ।

गत सिजन दशरथ रंगाशालामा मात्रै भएको प्रतियोगिता यस सिजन पोखरा रंगाशालामा पनि हुनेछ । आयोजकले जानकारि दिए अनुसार लिगका उद्घाटन देखि आधा खेल पोखरामा र आधा काठमाडौंमा हुनेछ ।

देश भरिका विभिन्न सहरका टोलीहरुको सहभागिता रहेकाले हरेक सिजन विभिन्न सहरमा प्रतियोगिता हुनेपनि आयोजकले जानकारी दिएका छन् ।