झण्डै २२ लाख नेपाली परिवारबाहिर, अधिकांश विदेशमा – Nepal Press

झण्डै २२ लाख नेपाली परिवारबाहिर, अधिकांश विदेशमा

काठमाडौं । नेपालका झण्डै २२ लाख नागरिक आफ्नो परिवारमा अनुपस्थित रहेको राष्ट्रिय जनगणनाले देखाएको छ । राष्ट्रिय जनगणना २०७८ को प्रारम्भिक नतिजाअनुसार यसरी परिवारबाट टाढा रहेकामध्ये ८१.२८ प्रतिशत पुरुष र १८.७२ प्रतिशत महिला छन् ।

केन्द्रीय तथ्यांक विभागले जनगणनाको प्रारम्भिक नतिजाको संक्षेप सार्वजनिक गर्दै सो जानकारी दिएको हो । जसअनुसार जम्मा २१ लाख ६९ हजार ४७८ जना नेपालीहरू आफ्नो परिवारबाट बाहिर रहेका छन् । उनीहरूमध्ये १७ लाख ६३ जहार ३१५ जना पुरुष तथा ४ लाख ६ हजार १०३ जना महिला हुन् ।

परिवारमा अनुपस्थित रहेको जनसंख्या अक्सर विदेशमा रहेको विभागले जनाएको छ । १० वर्षअघि २०६८ को जनगणनामा १९ लाख २१ हजार ४९४ जना नेपाली परिवारबाट टाढा रहेको देखिएको थियो । त्यसमध्ये ८७.६४ प्रतिशत (१६ लाख ८४ हजार, २९ पुरुष) थिए भने १.३६ प्रतिशत (२ लाख ३७ हजार ४ सय) महिला थिए । यसरी समग्रमा २०६८ भन्द्या २०७८ मा विदेशिने महिलाको संख्या ७१.०९ प्रतिशतले बढेको विभागले जनाएको छ ।

जिल्लागत आधारमा हेर्दा ७७ वटै जिल्लाबाट नागरिकहरू विदेश पलायन भएका छन् । सबैभन्दा बढी विदेश पलायन हुने जिल्लाहरूमा क्रमश: काठमाडौं, कैलाली, झापा, रुपन्देही र मोरङका छ । यस्तै, सबैभन्दा कम मनाङ, डोल्पा, हुम्ला, मुगु र मुस्ताङबाट नेपालीहरू विदेश गएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर