थ्री स्टारलाई हराउँदै आर्मी आहा रारा गोल्डकपको सेमिफाइनलमा – Nepal Press

थ्री स्टारलाई हराउँदै आर्मी आहा रारा गोल्डकपको सेमिफाइनलमा

काठमाडौं । राजिव गुरुङको निर्णायक गोल प्रेरित त्रिभुवन आर्मी क्लबले २०औं सँस्करणको आहा रारा गोल्डकपमा थ्री स्टार क्लबलाई १–०को नतिजामा हराउँदै सेमिफाइनल प्रवेश गरेको छ ।

मंगलबार पोखरा रंगाशालामा भएको खेलमा आर्मीलाई जित दिलाउन राजिव गुरुङले खेलको ७० औं मिनेटमा निर्णायक गोल गरेका थिए ।
जितसँगै आर्मीले फाइनल प्रवेशका लागि मनाङ मर्स्याङदी क्लबसँग प्रतिस्पर्धा गर्नेछ ।

मनाङले क्वाटर फाइनलमा नेपाल पुलिस क्लबलाई २–० गोलको नतिजामा पराजित गर्दै सेमिफाइनलमा स्थान पक्का गरेको थियो ।

यससँगै प्रतियोगितामा सेमिफाइनलको समिकरण पुरा भएको छ । आर्को सेमिफाइनलमा मछिन्द्र क्लब र एपीएफ क्लबले प्रतिस्पर्धा गर्नेछन् ।
१० टोलीको सहभागिता रहेको प्रतियोगिताको आयोजना साहारा क्लब पोखराले गरेको हो ।


प्रतिक्रिया

Leave a Reply

Your email address will not be published. Required fields are marked *