विश्व नम्बर एक बार्टी अष्ट्रेलियन ओपनको सेमिफाइनलमा

काठमाडौं । विश्व नम्बर एक असलेग बार्टी वर्षको पहिलो ग्राण्डस्लाम अष्ट्रेलियन ओपनको सेमिफाइनलामा प्रवेश गरेकी छन् ।

मंगलबार मेलबर्न पार्कमा भएको खेलमा वरियताको २१औं स्थानकी जेसिका पेगुलालाई ६-२, ६-० को सोझो सेटमा हराउँदै बार्टीले सेमिफाइनलमा स्थान पक्का गरेकी हुन् ।

फाइनल प्रवेशका लागि बार्टीले अमेरिकी मेडिसन किजसँग प्रतिसपर्धा गर्ने छिन् ।

यसअघि किजले क्वाटरफाइनलमा वरियताको चौथो स्थानकी बारबोरा क्रेजिकोभालाई ६-३, ६-२ को नतिजामा पराजित गर्दै सेमिफाइनल प्रवेश गरेकी थिइन् ।

सन् २०२०मा अस्ट्रेलियन ओपनको सेमिफाइनलबाट बाहिरिएकी बार्टी फ्रेन्च ओपन र विम्बलडनको च्याम्पियन बनिसकेकी छिन् । युएस ओपनमा भने चौथो चरण पार गर्न सकेकी छैनन् ।