निर्वाचन आयोगको निर्देशन संविधान विपरीत : राप्रपा – Nepal Press

निर्वाचन आयोगको निर्देशन संविधान विपरीत : राप्रपा

काठमाडौं । राष्ट्रिय प्रजातन्त्र पार्टीले निर्वाचन आयोगले गरेको पत्राचार नेपालको संविधानको मर्म र भावना विपरीत भएको ठहर गरेको छ ।

राप्रपाको पदाधिकारी बैठकले गत माघ २ गते निर्वाचन आयोगद्वारा प्रेषित पत्रबारे कानुनी र राजनीतिक उपचार खोज्ने निर्णय गरेको हो ।

आयोगले राप्रपालाई पार्टी विधानको प्रस्तावनामा रहेको ‘सनातन हिन्दु राष्ट्र एवं राजसंस्था सहितको प्रजातन्त्र’ सहितको वाक्यांश हटाउन पत्राचार गरेको थियो । त्यस्तै राप्रपाको झण्डाको मध्य भागमा गाई चिन्ह भएको भन्ने वाक्यांश समेत हटाउन आयोगले निर्देशन दिएको थियो ।

राप्रपा पदाधिकारी बैठकले आयोगको निर्देशन संविधान विपरीत र पूर्वाग्रहरी भएको ठहर गरेको बैठकपछि जारी विज्ञप्तीमा उल्लेख छ ।

‘निर्वाचन आयोगले पार्टीलाई पठाएको पत्रको जवाफ उपयुक्त समयमा दिने तथा आयोगको पत्रका सम्बन्धमा कानुनी र राजनीतिक उपचार खोज्ने समेत निर्णय गरेको छ’, बैठकपछि महामन्त्री भुवन पाठकद्वारा जारी विज्ञप्तीमा उल्लेख छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर