नेपाली सेनाका दुई उपरथीको पदावधि थप
नेपाल प्रेस
२०७८ माघ ७ गते १७:२६
काठमाडौ । नेपाली सेनाका दुई जना उपरथी सिताराम खड्का र ताराध्वज पाण्डेको पदावधि थप भएको छ ।
तीन वर्ष पदावधि सकिन लागेका बेला प्रधान सेनापति प्रभुराम शर्माको सिफारिसमा खड्का र पाण्डेको दुई वर्ष पदावधि थप भएको हो ।
मन्त्रिपरिषद्को पुस ३० गतेको बैठकले उपरथीद्वय खड्का र पाण्डेको पदावधि थप गर्ने निर्णय गरेको सैनिक प्रवक्ता नारायण सिलवालले जानकारी दिए ।
पदावधि नथपिएका उपरथी अनन्त कार्की भने अवकाशमा जाने भएका छन् । उनले माघमा अवकाश पाउने छन् ।
प्रधान सेनापती शर्माले सिफारिस नगरेर आफुमाथी अन्याय गरेको भन्दै कार्कीले प्रधानमन्त्री कार्यालयमा उजुरी गरेका थिए ।
नेपाल प्रेस
प्रकाशित: २०७८ माघ ७ गते १७:२६
प्रतिक्रिया
सम्बन्धित खवर
