जिल्ला प्रशासन कार्यालय भक्तपुरबाट बिहीबारदेखि अत्यावश्यक सेवा वाहेकका सबै सेवा बन्द – Nepal Press

जिल्ला प्रशासन कार्यालय भक्तपुरबाट बिहीबारदेखि अत्यावश्यक सेवा वाहेकका सबै सेवा बन्द

काठमाडौं । जिल्ला प्रशासन कार्यालय भक्तपुरले बिहीबारदेखि अत्यावश्यक बाहेकका सबै सेवा बन्द गरेको छ । कार्यालयले बुधबार एक विज्ञप्ती जारी गर्दै कार्यालयको शान्ति सुरक्षा, मुद्दा सम्बन्धी अत्यावश्यक सेवा वाहेक सबै सेवा बन्द गरिएको जानकारी गराएको हो ।

‘कार्यालयको शान्ति सुरक्षा, मुद्दा सम्बन्धी अत्यावश्यक सेवा वाहेक कर्मचारी तथा सेवाग्राहीको नियमीत र प्रत्यक्ष सम्पर्क हुने नागरिकता, नागरिकता प्रतिलिपी, नावालक परिचयपत्र, राष्ट्रिय परिचयपत्र र राहदानी फाँटका सेवा अर्को सूचना जारी नभएसम्म मिति २०७८-१०-०६ गते देखी लागू हुने गरी हाललाई स्थगित गरिएको व्यहोरा सम्बन्धित सबैको जानकारीका लागि अनुरोध छ ।’ जारी विज्ञप्तीमा भनिएको छ ।

अत्यावश्यक सेवा लिन चाहाने सेवाग्राहीलाई अनिर्वाय रुपमा स्वास्थ्य मापदण्ड पूर्ण रुपमा पालना गरी साथमा खोप कार्ड (मोवाइलमा फोटो भए पनि हुने) लिई आउन प्रमुख जिल्ला अधिकारी रुद्रादेवी शर्माले जारी गरेकाे विज्ञप्तीमा अनुरोध गरिएकाे छ । विश्वव्यापी महामारीको रुपमा फैलिएको कोभिड–१९ को नयाँ भेरियन्टसहितको ओमिक्रोन संक्रमण बढ्दै गएको अवस्थामा कार्यालयमा कार्यरत विभिन्न फाँटका कर्मचारी पनि कोभिड–१९ बाट संक्रमित भई उपचार तथा आइसोलेसनमा रहेका पनि प्रशासनले जनाएको छ ।

प्रतिक्रिया

Leave a Reply

Your email address will not be published.