जनकपुरधाम प्रदेश राजधानी भएपछि युवाहरुले मनाए दिपावली – Nepal Press

जनकपुरधाम प्रदेश राजधानी भएपछि युवाहरुले मनाए दिपावली

जनकपुरधाम । प्रदेशको स्थायी राजधानी जनकपुरधाम पारित भएपछि युवाहरुले दिपावली मनाएका छन् । जनकपुरधामको चोक चोकमा पटाका पड्काउदै युवाहरु दिपावली मनाएका हुन् ।

प्रदेशसभा गठन भएको चार वर्षपछि आज प्रदेशले जनकपुरधाम राजधानी र मधेस नाम पाएको छ ।

नाम र राजधानी पारित गरेका साँसदहरुलाई जनकपुरका यूवाहरु प्रदेशसभा परिसरमै पुगेर बधाई दिनुका साथै सम्मान गरेका थिए ।

उद्योग बाणिज्य संघका अध्यक्ष जीतेन्द्र महासेठ र जनकपुरधामका मेयर लालकिशोर साहले जनकपुरधामलाई राजधानी बनाएको खुशियालीमा दिपावली गर्न अपिल गरेका थिए ।

अब जनकपुरधाममा लगानी भित्रिने वातावरण निर्माण भएकोले यहाँका व्यवसायीहरु खुशी भएको संघका अध्यक्ष महासेठले बताए ।

यता, वीरगञ्जमा भने मुख्यमन्त्री लालबाबु राउतको पुत्ला दहन गरिएको छ ।

वीरगञ्जलाई राजधानी बनाउन भुमिका नखेलेको भन्दै मुख्यमन्त्री राउतको यूवाहरुले पुत्ला दहन गरेका हुन् । वीरगञ्ज मुख्यमन्त्री राउतको गृहनगर हो ।

प्रदेशको नाम मधेस भएको खुशीयालीमा सरकारले भोली सार्वजनिक विदा दिएको छ ।

प्रतिक्रिया

Leave a Reply

Your email address will not be published.