एमाले उपमहासचिव पृथ्वी सुब्बा गुरुङलाई कोरोना संक्रमण – Nepal Press

एमाले उपमहासचिव पृथ्वी सुब्बा गुरुङलाई कोरोना संक्रमण

काठमाडौं । नेकपा एमालेका उपमहासचिव पृथ्वी सुब्बा गुरुङलाई कोरोना संक्रमण भएको छ ।

उपमहासचिव गुरुङले आफूलाई कोरोना संक्रमण पुष्टि भएको सामाजिक सञ्जाल मार्फत जानकारी दिएका छन् ।

गण्डकी प्रदेशका पूर्वमुख्यमन्त्री समेत रहेका गुरुङले स्वास्थ्यमा अफ्ठ्यारो महसुस नभएपनि अहिले होम आइसोलेसनमा रहेको बताएका छन् ।

उनले आफ्नो सम्पर्कमा रहेका सबैलाई स्वास्थ्य परीक्षण गर्न पनि आग्रह गरेका छन् ।

पछिल्लो समय देशमा कोरोना संक्रमणको दर तीव्र गतिमा बढेको छ ।

एमालेका महासचिव शंकर पोखरेल, उपाध्यक्ष विष्णु पौडेल लगायतका नेताहरुलाई कोरोना पष्टि भएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर