एक्सनमा मन्त्री आले– धनगढीमा बन्ने भयो क्षेत्रीय विमानस्थल, अन्य एयरपोर्ट विकास र विस्तारलाई बजेट – Nepal Press

एक्सनमा मन्त्री आले– धनगढीमा बन्ने भयो क्षेत्रीय विमानस्थल, अन्य एयरपोर्ट विकास र विस्तारलाई बजेट

काठमाडौं । नेपाल नागरिक उड्डयन प्राधिकरण (क्यान)ले सुदूरपश्चिमको राजधानी धनगढीमा क्षेत्रीय विमानस्थलका लागि जग्गा अधिग्रहण गर्न एक अर्ब रुपैयाँ बजेट बिनियोजन गरेको छ ।

संस्कृति पर्यटन तथा नागरिक उड्डयन मन्त्री प्रेम आलेको अध्यक्षतामा आइतबार बसेको क्यानको बैठकले क्षेत्रीय विमानस्थलको विस्तार तथा निर्माणका लागि नक्सा पारित गर्नुको साथै २५० विगाह जग्गा अधिग्रहण गर्ने प्रस्ताव समेत पारित गरेको छ ।

सो प्रस्ताव मन्त्रिपरिषदबाट पारित भएपछि सुदूरपश्चिममा क्षेत्रीय विमानस्थलको काम अघि बढ्नेछ । यसअघि पटक पटक भनिए पनि काम अघि बढ्न नसकेकोमा आले पर्यटन मन्त्री भए लगत्तै धनगढीलाई क्षेत्रीय विमानस्थल बनाउने प्रतिवद्धता जनाएका थिए ।

मन्त्री आलेले प्रतिबद्धता पूरा गरेको भन्दै धनगढीमा क्षेत्रीय विमानस्थल बनेपछि यो प्रदेशकै विकास तथा जनजीवनमा फड्को मार्ने प्राध्यापक डा. हेमराज पन्तले नेपाल प्रेसलाई बताए । यो सुदूरपश्चिमकै लागि माइलस्टोन परियोजना भन्दै उनले मन्त्री आलेले वर्षौंदेखिको सपना पूरा गराइदिएको बताए ।

क्यानको बैठकले अछामको साँफेबगर,कमलबजार, डोटीको दिपायल र डडेलधुरामा समेत विमास्थलको रन वे विस्ता तथा टर्मिनल भवनहरु निर्माणका लागि बजेट बिनियोजन गरेकोछ ।

बजेट विनियोजनमा सुदूरपश्चिम सधै पछि परेको गुनासो आउँने गरेकोमा यसपटक मन्त्री आलेले ती क्षेत्रका विमानस्थलको विकास तथा विस्तारमा बजेटको व्यवस्था गरेका हुन् ।

क्यानको ३९२ औं बैठकले बजेट पारित गर्नुको साथै पूर्वाधार विकासका बारेमा निर्णयहरु लिएको प्रवक्ता चन्द्रलाल कर्णले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर