प्रचण्डलाई अनिल झाको प्रश्न- संविधानमा खोइ त मधेश आन्दोलनको उपलब्धी ? (भिडिओ) – Nepal Press

प्रचण्डलाई अनिल झाको प्रश्न- संविधानमा खोइ त मधेश आन्दोलनको उपलब्धी ? (भिडिओ)

काठमाडौं । लोकतान्त्रिक समाजवादी पार्टीका नेता अनिल झाले माओवादी र मधेश आन्दोलनको बाटो फरक भए पनि लक्ष्य एउटै भएको बताएका छन् ।

माओवादी केन्द्रको आठौं महाधिवेशनमा शुभकामना मन्तव्य दिँदै झाले माओवादी नेताहरू ज्यान दिन तयार भएका एजेण्डा अझै पूरा नभएको बताए ।

‘माओवादीले सशस्त्र युद्धको बाटो लियो । हामीले शान्तिपूर्ण राजनीति गर्‍यौं । संघीयता, समावेशीता र पहिचानको एजेण्डा समान थियो तर आजसम्म किन पूरा भएन ? माओवादीले समीक्षा गर्नुपर्छ’, झाले भने ।

उनले प्राप्त उपलब्धीको रक्षा गर्न भन्दै प्रचण्डले संविधान जारी गराए पनि ६ वर्षसम्म मधेश आन्दोलनको माग पूरा हुन नसकेको बताए ।

‘संविधान जारी नगरे प्राप्त उपलब्धी पनि गुम्छ भनेर प्रचण्डजी भन्नुहुन्थ्यो तर खै त मधेश आन्दोलनको उपलब्धी संविधानमा लेखिएको ?’, झाले प्रश्न गरे ।

उनले संविधान निर्माणपछि धेरै विषयमा दलहरूबीच छलफल र सहमति भएपनि मधेशको विषय प्राथमिकतामा नपरेको बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर