वागमती प्रदेशमा नेकपा एसका दुई मन्त्री थपिँदै

काठमाडौं । वागमती प्रदेशमा आज हुन लागेको मन्त्रिपरिषद् विस्तारमा नेकपा एकीकृत समाजवादीले दुईजना मन्त्रीको नाम टुंगो लगाएको छ । प्रमुख सचेतक मुनु सिग्देलका अनुसार काभ्रेका बसुन्धरा हुमागाई र काठमाडौंका वसन्त मानन्धर मन्त्री बन्दैछन् ।

नवनियुक्त मन्त्रीहरूको आजै सपथग्रहण हुँदैछ ।

सत्ताघटक माओवादी केन्द्रले पनि दुई युवा नेतासहित तीनजनालाई मन्त्री सिफारिस गरेको छ। मन्त्रीका लागि दोलखाबाट निर्वाचित प्रदेशसभा सदस्य विशाल खड्का, काभ्रेका रत्न ढकाल र चितवनका घनश्याम दाहाल छन् ।