रामचन्द्र तटस्थ बनेपछि संस्थापनइतर कार्यकर्ता आक्रोशित, शेखरको पक्षमा खुल्न दबाब दिँदै हुटिङ – Nepal Press

रामचन्द्र तटस्थ बनेपछि संस्थापनइतर कार्यकर्ता आक्रोशित, शेखरको पक्षमा खुल्न दबाब दिँदै हुटिङ

काठमाडौं । नेपाली कांग्रेसका वरिष्ठ नेता रामचन्द्र पौडेलले दोस्रो चरणको सभापति चुनावमा कसलाई समर्थन गर्ने भन्नेमा मौनता साँधेपछि कार्यकर्ता आक्रोशित भएका छन् । राजधानीमा पौडेलले आयोजना गरेको चियापानमा उपस्थित संस्थापनइतर कार्यकर्ताले शेखरको पक्षमा खुल्न दबाब दिँदै हुटिङ गरे ।

चियापानमा पौडेलले कार्यकर्तालाई दोस्रो चरणको चुनावमा विवेक प्रयोग गर्न सुझाव दिएका थिए । तर, संस्थापनइतर कार्यकर्ताहरु उनको यस्तो भनाइसँग सन्तुष्ट नभएपछि हुटिङ गरेका हुन् ।

पौडेलले पार्टीभित्र सद्भाव कायम गराउन चियापान आयोजना गरेको बताए ।

उनले भने, ‘यो चुनावी सभा होइन, यहाँ कसैलाई मत मागेर हुने होइन । मतदान भनेको मन जितेर हुन्छ ।’

चुनावको नतिजा जे भए पनि कांग्रेस एक भएर जानुनर्पे पौडेलको भनाइ थियो ।

पौडेलले थपे, ‘यो महाधिवेशनले मात्रै राजनीति सकिँदैन मैले पनि केही सोचेको छु । राजनीतिमा त्यसै भोटो फटाएको होइन ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर